Soziale Projet („Don“)
Wéi all Joeres kënnt Dir och un eis Kommuiounskanner denken, an deems Dir e gutt Wierk ennerstetzt. Eis Kommiounskanner an hier Elteren proposéieren Iech dest Joer zwee sozial Projeten:
1. De Projet „Müllkinder“ vum Pater Kullicke op de Philippinnen. De Steyler Missiounspater dee jo villen an eisen Dierfer och perséinlech bekannt ass a schons an eisem Parverband op Besuch war, probéiert de Kanner an hiere Familjen, déi um Dreckstipp „Smocky Mountain“ eng besser Zukunft duerch Schulbesuch, handwierklech Ausbildung a medizinesch Versuergung ze ginn. Am Sënn vun enger nohalteger Hëllef ënnerstetzen eis Kommiounskanner schons zenter Joren dese Projet. Duerch perséinlech Kontakter konnte mir eis iwwerzeegen: des Sue kommen do un, wou si gebraucht ginn.
2. D’Associatioun „ELA Luxembourg“, déi Kanner mat Leucodystrophies, enger seelener Gehierkrankheet, hei am Land ennerstetzt a sech och an der medezinescher Recherche géint des Dysfonnctionnementer betätegt.
Dir kennt Äeren Don op de
CCPL LU 23 1111 2967 0074 000 / Abbé Luc Schreiner maachen.
Gitt w.e.gl den Numm vum Kand an mam Stëchwuert „Müllkinder“ resp. „ELA“, de Projet, deen Dir ennerstetze wellt, um Virement un. Selbstverständlech kënnt Dir och e kollektiven Don fir d’Kanner aus engem Duerf, aus enger Gemeng maachen. Mir stelle fir all Kand eng Lescht mat „sengen“ Donateuren op an iwwerrechen d’Suen mat de Kanner un di zwee Projeten.
|
